Të shtënat në Kamëz/ Reagon Policia: Autori qëlloi me armë makinat e parkuara nga një motor!

Policia e Shtetit ka dhënë detaje të reja për ngjarjen e ndodhur mbrëmjen e kaluar në Kamëz, ku pati të shtëna me armë zjarri.

Në rrugën “Donald Trump”, në Kamzë, një shtetas ende i paidentifikuar, i ulur pas në motomjet, ka qëlluar me armë zjarri, nga veprimet e para hetimore rezulton se ka qëlluar në drejtim të automjeteve të parkuara, për pasojë, dy automjete kanë pësuar dëmtime.

Shërbimet e Policisë janë vënë në ndjekje të autorit të dyshuar. Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.